Ambasadori amerikan “shuplakë” Thaçit e Ramës për bashkim, lavdëron Vuçiqin – ORAinfo Ballina | ORAinfo.com - Nuk ndalet
Lajmet e fundit
6 °C

Ambasadori amerikan “shuplakë” Thaçit e Ramës për bashkim, lavdëron Vuçiqin

15:18 | 21 Prill 2017

Ambasadori amerikan në Beograd, Kyle Scott ka reaguar sot në të njëjtën vijë sikur dy kolgët e tij në Kosovë dhe në Shqipëri, Gred Delawie dhe Donald Lu.

Reagimi i Scott-it ka të bëjë me deklaratat e Edi Ramës dhe Hashim Thaçit për bashkimin Kosovë-Shqipëri nëse BE-ja vonohet me procesin e integrimeve.

“Shtetet e Bashkuara të Amerikës i shohin si problem disa deklarata jo krejtësisht të kujdesshme gjatë ditëve të fundit për bashkim e ndryshim kufijsh në Ballkanin Perëndimor”, ka thënë Scott për mediat serbe, transmeton lajmi.net.

Scott ka theksuar se SHBA-ja përkrah sovranitetin e të gjitha vendeve të Ballkanit Perëndimor dhe beson se për këto vende rruga e vërtetë është anëtarësimi në Bashkimin Evropian.

Duke folur për këto deklarata, Scott, sipas FoNet, ka thënë se ato janë për t’u brengosur sepse nuk i kontribuojnë stabilitetit të rajonit dhe nuk përkrahin rrugën evropiane të të gjitha vendeve të Ballkanit Perëndimor.

“E vlerësojmë shumë deklaratën e Aleksandar Vuçiqit” ka thënë Scott i cili konsideron se deklaratat e disa politikanëve nga njëra dhe pala tjetër bëhen vetëm për të hedhur benzinë në zjarr.

LEXO PO ASHTU:  Nisma mblidhet para seancës, të sigurt se qeveria do të rrëzohet (FOTO)
Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!