Çfarë do të ndodh sot me Erdoganin? – ORAinfo Ballina | ORAinfo.com - Nuk ndalet
Lajmet e fundit
7 °C

Çfarë do të ndodh sot me Erdoganin?

08:22 | 24 Qershor 2018

Turqi do t’u drejtohen të dielën kutive të votimit për të zgjedhur brenda të njëjtin proces presidentin dhe parlamentin.

Pas ndryshimeve kushtetuese, të cilat u arritën me referendumin e vitit të kaluar, Rexhep Taip Erdoan garon për një tjetër mandat, këtë herë 5 vjeçar. Presidenti turk ndodhet përballë një sfidë të vështirë dhe për t’ia dalë mbanë kësaj here e ka përqendruar fushatën e tij te veprat e realizuara. Presidenca kërkon përvojë, tha njeriu që drejton Turqinë prej vitit 2003.

Përballë Erdoan është një kandidat që mund t’i rrezikojë mandatin, Muharrem Inçe. Republikani e ka shtuar ndjeshëm mbështetjen, duke u shfaqur si një figurë popullore dhe jo nga radhët e kastës politike. Ish-mësuesi i Fizikës premton se do t’u rikthejë turqve demokracinë, por presidenti Erdoan e akuzon për mungesë vizioni

Nëse rizgjidhet, Erdoan 64 vjeç, do të jetë presidenti i parë me sistemin e ri kushtetues, që e shndërron Turqinë në republikë presidenciale dhe i jep kreut të shtetit më shumë pushtet.

Më shumë se gjysmë milioni vëzhgues nga partitë opozitare dhe OJQ-të do të angazhohen të dielën, në një proces ku frika e manipulimeve është e madhe. Sipas kompanive të sondazheve, Rexhep Taip Erdoan kryeson bindshëm me rreth 50% të mbështetjes, kundrejt 25% të Muharrem Inçe-s.

\

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!