Kryeministri Mustafa javën e ardhshme në Bruksel për viza - ORAinfo Ballina | ORAinfo.com - Nuk ndalet
Lajmet e fundit
6 °C

Kryeministri Mustafa javën e ardhshme në Bruksel për viza

16:02 | 21 Prill 2017

Faton Abdullahu, këshilltar i kryeministrit të Kosovës, Isa Mustafa ka njoftuar se javën e ardhshme shefi i ekzekutivit do të udhëtoj në Bruksel për një arsye, që t’u siguroj qytetarëve të drejtat që po u cenohen.

Abdullahu në një postim në profilin e tij në Facebook ka shkruar se kryeministri po kërkon nga Brukseli që të suspendoj për një kohë demarkacionin.

Postimi i plotë i Abdullahut:

Kryeministri në Bruksel për ti siguruar qytetarëve të drejta që u cenohen nga një grup deputetësh

Të kërkohen mundësitë që Brukseli ta suspendoj për një kohë kushtin e vendosur pa të drejtë, pra atë të demarkacionit, për vizat ndaj qytetarëve të Kosovës, me mundësinë e rikthimit të tij në rast se brenda periudhës së caktuar nuk përmbushet edhe ky kusht.

Kjo është arsyeja pse Kryeministri Mustafa udhëton për në Bruksel. Në takimet që do të ketë, sidomos duke e shfrytëzuar afrinë dhe lidhjet me forcat e qendrës së djathtë (EPP) e që janë me ndikim krucial në Bruksel z. Mustafa do të shpjegoj që ky kusht është bërë edhe barrierë për proceset e mira e të suksesshme qeveritare të cilat janë duke rrjedhur në Kosovë. Këtë po e bën Kryeministri që qytetarët dhe bizneset të mos mbesin pa të drejtën të cilën kuvendarët tanë e gëzojnë, të drejtën e lëvizjes së lirë.

Do të duhej (disa) kuvendarë me kundërshtimin e tyre të mos e getoizojnë qytetarin dhe Kosovën, por ja që një grup i tyre, sado që i vogël sherrin e kanë të madh. Prandaj thënë ndryshe Kryeministri shkon në Bruksel për ti mbrojtur qytetarët nga disa kuvendar, apo edhe për ti mbrojtur kuvendarët nga vetja e tyre.

LEXO PO ASHTU:  Kërkesa për hetime ndërkombëtare u bë katër ditë para publikimit të Raportit të Autopsisë së Deharit

 

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!

Lajme të tjera
Loading...