Zyrtare: Kosova me trajner të huaj (FOTO) - ORAinfo Ballina | ORAinfo.com - Nuk ndalet
Lajmet e fundit
6 °C

Zyrtare: Kosova me trajner të huaj (FOTO)

19:28 | 21 Prill 2017

Brad Greenberg do të jetë trajner i Përfaqësueses së Kosovës në basketboll.

Kosova është bërë me trajner të ri. Ai është amerikani, Brad Greenberg. Lajmi është bërë i ditur nga Federata e Basketbollit të Kosovës, të cilën kanë njoftuar gjithashtu se, Greenberg, do të prezantohet të dielën, transmeton Gazeta Express.

“Federata e Basketbollit e Kosovës (FBK) të dielën (23.04.2017) me fillim nga ora 14:00 në lokalet e saj në Prishtinë organizon konferencë për media. Qëllimi i organizimit të kësaj konference është prezantimi i parë para opinionit të përzgjedhësit të ri të Përfaqësueses A të Kosovës, strategut të mirënjohur nga SHBA, Brad Greenberg”, thuhet në njoftimin e FBK-së.

Kosova është pa trajner prej muajit tetor të vitit të shkuar, kur Arben Krasniqit i skadoi kontrata me FBK-në. Krasniqi e udhëhoqi Kosovën në eliminatoret e “Eurobasket 2017”.

Në këto eliminatore Kosova përfundoi e fundit në grup pa asnjë fitore. Pësoi humbje të dyfishta nga Sllovenia, Ukraina dhe Bullgaria.

LEXO PO ASHTU:  Milan - Torino, shënohen dy gola të shpejtë (Video)
Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!

Lajme të tjera
Loading...