S’ka ‘hajgare’ me Ancelottin, vendos rregulla për Neymarin në Kupën e Botës

Trajneri i Kombëtares së Brazilit, Carlo Ancelotti, raportohet se ka vendosur disa rregulla disiplinore për sulmuesin Neymar Jr pas ftesës së tij për Kupën e Botës.

Sipas raportimeve, Neymar nuk e ka të garantuar vendin e titullarit apo shiritin e kapitenit, ndërsa përzgjedhja në formacion do të varet nga forma dhe angazhimi i tij.

Po ashtu, Ancelotti ka kërkuar që lojtari të reduktojë aktivitetin në rrjetet sociale dhe në media gjatë turneut, si dhe të kufizojë disa sjellje jashtë fushës së lojës për të ruajtur fokusin e ekipit.

Këto masa, sipas stafit teknik, synojnë disiplinë më të madhe brenda skuadrës në prag të turneut të madh ndërkombëtar.