‘BOMBA’ E VERËS! Milani befason të gjithë me çmimin e Leaos, klubet e mëdha vihen në lëvizje
Sulmuesi portugez ka lënë të kuptohet se është gati për një aventurë të re pas shtatë vitesh të suksesshme në “San Siro”.
26-vjeçari, i cili fitoi Serie A dhe Superkupën e Italisë me kuqezinjtë, deklaroi se dëshiron një “kapitull të ri” në karrierën e tij dhe se ndihet gati të provojë veten në një kampionat tjetër.
Sipas raportimeve nga Italia, Milani është i gatshëm të dëgjojë oferta prej rreth 40 milionë eurosh për yllin portugez, një shifër shumë më e ulët se klauzola e tij e lirimit prej 175 milionë eurosh.
Manchester United raportohet si kandidati kryesor për transferimin e Leaos, pasi synon të përforcojë repartin ofensiv para sezonit të ri.
Në garë mbetet edhe Arsenali, klub për të cilin futbollisti ka shprehur simpatinë e tij në të kaluarën.
Vetë Leao ka pranuar se Premierliga është destinacioni ideal për çdo futbollist, duke e cilësuar atë si kampionatin më konkurrues në botë.
Tashmë mbetet të shihet nëse gjigantët anglezë do të shfrytëzojnë mundësinë për të siguruar shërbimet e njërit prej sulmuesve më të kërkuar në Evropë.
