Pasionet e Fshehta po rikthen sërish në ekran.

Rreth 19 vite më parë, edhe Kosova sikur shume vende tjera të botës përjetoi një revolucion të vërtetë fansash me premierën e një prej telenovelave latino-amerikane më të suksesshme televizive në vend.

I importuar nga Kolumbia, me transmetim në Telemundo dhe Caracol Television, “Pasion de Gavilanes” u bë një fenomen që përfshiu masat dhe pothuajse dy dekada më vonë, pati mundësinë të kthehej.

Që nga shkurti i kaluar, fansat mund të shohin episode të reja të serialit në sezonin e tij të dytë.
Megjithatë, formula e suksesit e krijuar nga Julio Jimenez bazuar në romanin e tij të vitit 1994 “Las Aguas Mansas” është ende në kërkim të vendit të saj për të rimarrë shkëlqimin që kishte në fillim të viteve 2000.

Dhe duket se kjo mundësi mund të vijë nga dora e Netflix. Platforma shfaqi premierë e “Pasion de Gavilanes 2” të mërkurën, më 20 korrik dhe, nëse gjithçka shkon siç ndodhi me sezonin e parë, telenovela mund të bëhet një nga serialet më të shikuara të transmetimit.

Komento:

	Komenti