Kategoria
Lajmet e fundit
9 °C

Abdixhiku: Do të jem transparent si çdoherë, qëndrimet e LDK-së tashmë dihen

16:50 | 05 Maj 2025
abdixhiku:-do-te-jem-transparent-si-cdohere,-qendrimet-e-ldk-se-tashme-dihen

Kryetari i Lidhjes Demokratike të Kosovës, Lumir Abdixhiku tha se do të jetë transparent pasi sot mori një letër nga kryetari i Lëvizjes Vetëvendosje, Albin Kurti, i cili i kërkoi koalicion.

Ai tha se qëndrimet e LDK-së tashmë dihen.

“Pritni. Keni durim. Do të jem transparent si çdoherë tjetër. Qëndrimet e LDK-së tashmë i dini”, iu tha ai gazetarëve në afërsi të selisë së partisë.

Abdixhikut, i cili ka refuzuar dy herë që të takohet me të, Kurti i tha se “nevojitet marrëveshje politike”, duke i kërkuar sërish takim për ta diskutuar mundësinë për bashkëqeverisje.

“Jam i bindur që votuesit e LDK-së sot e preferojnë më së shumti koalicionin me LVV. Edhe votuesit e LVV e preferojnë po ashtu më së shumti koalicionin me LDK. Pse të mos e bëjmë? LVV nuk është e interesuar për koalicion me PDK. Ne edhe mund të shkojmë në zgjedhje të reja ku pak çka mund të ndryshojë për LDK-në dhe mandej sërish do të na duhet të ulemi bashkë për koalicionin LVV-LDK! Pse ta bëjmë atëherë më vonë, kur mund ta bëjmë tash? Pse edhe një palë zgjedhje për koalicionin e njëjtë?”, thuhet ndër tjerash në letrën që Kurti ia çoi Abdixhikut./Express/

Komento:
Lajme të tjera
ORAinfo
© 2012 – 2025 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

                       
Privacy and Policy
TEL : 044 / 911 100