Mendimi për motin – 13.05.2025
Pas reshjeve të dëborës pjesëve të Sharrit mëngjesin e sotëm, natën vransirat shpërndahen, e pritet të ketë më shumë kthjellime. Nën këto kushte të motit të kthjellët, temepraturat minimale në mëngjes mund të zbresin deri në 2C e 3C nga rrafshi I Kosovës. Ditën e mërkurë kushte më stabile do të favorizojnë mot kryesisht me diell e të thatë në vend. Orëve të pasdites përreth zonave malore zhvillohen vransira të pakta lokale. Frynë erë e lehtë dhe mesatare veriore 2-5m/s. Temperaturat maksimale shënojnë një rritje të lehtë deri në 18C e 21C.
Mot më i ngrohtë po parashihet ditën e enjtë, me maksimale deri në 22C e 24C, ndërkohë që vransirat fillojnë të shtohen gjatë ditës. Më pas të premtën vije përkeqësimi i motit, me të reshura më të qëndrueshme shiu. Temperaturat pësojnë një rënie deri në 9C e 10C, e viseve malore parashihen dhe reshje më të shumta dëbore, sidomos përgjatë vargmaleve të Sharrit. Të shtunën reshjet pushojnë, por se mbeten më shumë vransira. Temperaturat në rritje graduale deri në 15C ato maksimale, derisa minimalet mund të zbresin deri në 2C e 4C. Ditën e diel aty këtu priten zhvillime të vransirave dhe kushte për të reshura shiu. Të enjtën frynë erëra jugperëndimore, ndërsa nga e premta ato veriore, të lehta dhe mesatarisht të fuqishme prej 5-14m/s.
6 °C
