Kategoria
Lajmet e fundit
15 °C

AKB dhe Sindikata: Tregu i Hapur Energjetike Rrezikon Vendet e Reja të Punës

14:31 | 19 Maj 2025
akb-dhe-sindikata:-tregu-i-hapur-energjetike-rrezikon-vendet-e-reja-te-punes
Kryetari i Aleancës Kosovare të Bizneseve z. Agim Shahini, priti sot në zyrat e AKB-së kryetarin e Sindikatës së sektorit privat, z. Isuf Azemi, ku u zhvillua një takim i frytshëm për të diskutuar gjendjen e punëtorëve në përgjithësi, e në veçanti në sektorin privat, si dhe ndikimin e krizës institucionale në ekonominë e vendit.

Të dy palët u pajtuan se, ndonëse gjendja e punëtorëve në sektorin privat ka shënuar përmirësime të dukshme, sfidat mbesin të shumta. Një ndër çështjet më shqetësuese mbetet rritja e çmimit të energjisë elektrike dhe liberalizimi i tregut energjetik, i cili pritet të godasë rëndë kompanitë me mbi 50 të punësuar dhe qarkullim mbi 10 milionë euro.

Përfaqësuesit e AKB-së dhe të Sindikatës u shprehën se kriteret e reja të Zyrës së Rregullatorit për Energji (ZRrE) janë të papranueshme dhe mund të ndikojnë negativisht në punësimin e ri të puntorëve dhe stabilitetin ekonomik të ndërmarrjeve.

Në përfundim të takimit, AKB dhe Sindikata e Pavarur e Sektorit Privat u dakorduan të thellojnë bashkëpunimin e ndërsjellë me qëllim të përmirësimit të kushteve të punës, zhvillimit ekonomik dhe mbrojtjes së interesave të punëtorëve në Kosovë.

Komento:
Lajme të tjera
ORAinfo
© 2012 – 2025 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

                       
Privacy and Policy
TEL : 044 / 911 100