‘BOMBA’ NGA ANGLIA! Manchester United futet seriozisht në garë për Rafael Leaon
Interesi i Manchester United për yllin e Milanit, Rafael Leao, është real dhe konkret, sipas raportimeve të fundit nga Italia.
E ardhmja e sulmuesit portugez vazhdon të jetë në qendër të spekulimeve për transferim, pas një sezoni me ulje-ngritje te Milani. Madje, ndeshja e së dielës ndaj Cagliarit mund të jetë e fundit e tij me fanellën kuqezi pas shtatë sezonesh në “San Siro”.
Sipas “MilanVibes”, Manchester United po monitoron nga afër situatën e Leaos dhe e sheh atë si përforcimin ideal për repartin ofensiv. Në “Old Trafford” vlerësojnë shpejtësinë, cilësinë dhe stilin e paparashikueshëm të portugezit, elemente që konsiderohen të përshtatshme për projektin e ri të klubit anglez, përcjell ORAinfo.
Aktualisht nuk ka negociata konkrete mes palëve dhe as kontakte të avancuara për transferimin, por interesimi i United raportohet të jetë serioz. Nga ana tjetër, Milani mund të jetë i hapur për shitjen e lojtarit në rast të një oferte të majme nga Premier League.
Përveç Manchester United, interes për Leaon kanë shfaqur edhe Barcelona dhe Bayern Munich. Dy gjigantët evropianë kanë bërë vetëm vlerësime fillestare dhe nuk konsiderohen ende aq të avancuar sa klubi anglez.
Leao është pjesë e listës prej 27 lojtarësh të Portugalisë për turneun që do të zhvillohet në Shtetet e Bashkuara, Kanada dhe Meksikë. Ky kompeticion mund të shërbejë si një vitrinë ideale për të rritur edhe më shumë interesimin e klubeve të mëdha evropiane.
Megjithatë, marrëdhënia mes Milanit dhe Leaos mbetet shumë e mirë. Të dyja palët kanë ruajtur respekt të ndërsjellë dhe nuk pritet një ndarje me tensione.
Sipas raportimeve, Leao dëshiron të ketë fjalën kryesore për destinacionin e ardhshëm, ndërsa Milani synon të vendosë një çmim të pranueshëm për shitjen e yllit portugez. /ORAinfo/
