Çka i duhet Romës, Milanit, Juventusit e Comos për kualifikim në Champions?
Ka shumë kombinime të mundshme (81 në total) në garën për vendet e Ligës së Kampionëve në Serie A, ku Roma, Milani, Juventusi dhe Como po luftojnë për dy vendet e mbetura.
Të gjitha ndeshjet luhen njëkohësisht në ora 20:45, për të ruajtur barazinë konkurruese.
Në Serie A, diferenca e golave nuk është kriter kryesor – në rast pikësh të barabarta, përdoren ndeshjet direkte dhe mini-tabelat mes ekipeve.
Ka edhe skenarë shumë të ndërlikuar ku Roma dhe Milan barazojnë, ndërsa Como dhe Juventus fitojnë, duke i çuar të katër skuadrat në 71 pikë.
Në atë rast, krijohet një mini-ligë me rezultatet direkte mes tyre, ku:
Juventusi do të kryesonte me 10 pikë (+3 golaverazh në mini-ligë)
Como do të ishte e dyta me 10 pikë (+2)
Milani do të kishte 6 pikë
Roma do të kishte 5 pikë
Dhe kështu Juventusi dhe Como do të siguronin vendet për Champions.
Rregullat e renditjes në Serie A janë: pikët, ndeshjet direkte, golaverazhi në përballjet direkte, golat e shënuar dhe në fund shorti.
Për çdo skuadër, situatat ndryshojnë kështu:
Milan (70 pikë)
ndaj Juventusit: prapa
ndaj Romës: përpara
ndaj Comos: përpara
Como (68 pikë)
ndaj Juventusit: përpara
ndaj Milanit: prapa
ndaj Romës: përpara (në balancë direkte + golaverazh)
Juventus (68 pikë)
ndaj Milanit: përpara
ndaj Romës: përpara
ndaj Comos: prapa
Në fund, gjithçka mbetet e hapur dhe çdo rezultat mund të ndryshojë komplet renditjen për vendet e fundit në Champions.
