Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri. Kështu ka ndodhur edhe në një shtëpi në Pejë, raporton Gazeta Sinjali.

Cak i hajnave ka qenë edhe familja Rexha nga ky qytet, e cila derisa po pushonte jashtë vendit, hajnat kishin zgjedhur t’i “çelnin derën” ndryshe.

Kishin depërtuar përmes dritares së pasme dhe kishin “ngarkuar” gjithçka që kishte vlerë – përfshirë bizhuteri, para dhe pajisje elektronike.

Burime të Gazetës Sinjali mësojnë se viktima Bujar Rexha, ka raportuar në polici se shtëpia e tij është thyer nga data 19 deri më 21 prill, kohë kur ndodhej jashtë Kosovës.

Me t’u kthyer familja Recha në shtëpi, ka zbuluar se shtëpia e tyre ishte thyer. Nga shtëpia janë vjedhur gjësende me vlerë të raportuar rreth 100 mijë euro.

Lajmin e ka konfimruar edhe Policia, e cila ka njoftur se rasti është nën hetime dhe se janë angazhuar në bastisje në disa lokacione, me qëllim identifikimin dhe arrestimin e personave të dyshuar.

Prokurori i Shtetit është vënë në dijeni dhe ka urdhëruar që rasti të hetohet si “Vjedhje e rëndë”.

Komento:

	Komenti