Hapet Ambasada e Kosovës në Malajzi, Osmani: Një prani më e fuqishme diplomatike në Azi

17:44 | 02 Maj 2025
hapet-ambasada-e-kosoves-ne-malajzi,-osmani:-nje-prani-me-e-fuqishme-diplomatike-ne-azi

Presidentja Vjosa Osmani ka bërë të ditur se është hapur Ambasada e Republikës së Kosovës në Kuala Lumpur të Malajzisë.

Në një postim në Facebook, ajo ka thënë se kjo është një dritare e re për vendin, me plot mundësi për bashkëpunim edhe më të thellë me Malajzinë.

“Një prani edhe më e fuqishme diplomatike në një nga rajonet më strategjike në Azi”.

“Një shtëpi më shumë e Kosovës, ku do të avancohen interesat e qytetarëve tanë, do të fuqizohen aleancat tona dhe do të mbrohet me vendosmëri shenjtëria e sakrificës së popullit të Kosovës për liri e shtet”, ka thënë Osmani.

Komento: