Ushtarët italianë të Komandës Rajonale Perëndim (Regional Command West) të misionit të udhëhequr nga NATO – KFOR, kanë zhvilluar një stërvitje të përbashkët me fokus përdorimin e helikopterëve dhe pajisjeve për kontrollin e turmave (CRC – Crowd and Riot Control).

Sipas KFOR-it, qëllimi i këtij aktiviteti ishte përmirësimi i procedurave të hipjes dhe uljes nga helikopteri gjatë operacioneve që përfshijnë pajisje speciale për menaxhimin e turmave.

Misioni synon të kontribuojë në ruajtjen e një ambienti të sigurt dhe të qëndrueshëm për të gjithë njerëzit dhe komunitetet në Kosovë, si dhe të garantojë lirinë e lëvizjes në mënyrë të paanshme dhe të pandërprerë.

Komento:

	Komenti