Sokol Gjoka, ish-ambasador i Shqipërisë në Moskë dhe në Ukrainë, ka folur për takimin që do zhvillohet midis presidentit rus Vladimir Putin dhe atij serb Aleksandar Vuçiq në Moskë.

Sipas tij, skema që mund të përdorë president i Serbisë me anë të këtij takimi, përfshin një plan kundër Kosovës dhe për këtë i duhet ndihma e Rusisë – Kremlinit.

Tutje Gjoka tha se “shumë shpejt do ti vijë radha e diskutimit edhe çështjes mes marrëdhënieve Serbi-Kosovë”.

“Serbia po përgatitet edhe në këtë radhë dhe ndaj i duhet një dorë nga Kremlini për të vazhduar politikën e saj kundërshtuese dhe agresive kundër Kosovës. Vuçiç kërkon të marrë një lloj mbështetje dhe fuqie nga Kremlini”, tha Gjoka. /EuronewsAlbania/