Sipas Calciomercato, trajneri i ri i Real Madridit, Xabi Alonso, ka shprehur interes për rikthimin e Nico Paz nga Como, duke synuar aktivizimin e klauzolës së riblerjes të përfshirë në kontratën e tij.

Mesfushori argjentinas u transferua te Como në verën e vitit 2024 për një shumë prej rreth 6 milionë eurosh. Megjithatë, Real Madridi ruajti 50% të të drejtave të kartonit të tij dhe një opsion për ta rikthyer lojtarin.

Klauzola e riblerjes parashikon që madrilenët mund ta rikthejnë Paz për 8 milionë euro në verën e vitit 2025 ose për 9 milionë euro një vit më vonë.

Paz ka pasur një sezon mbresëlënës nën drejtimin e trajnerit Cesc Fabregas, duke tërhequr interesin e disa klubeve të mëdha, përfshirë Inter Milan.

Alonso kërkon ta rikthejë lojtarin në ‘Santiago Bernabeu’ përpara fillimit të Kupës së Botës për Klube FIFA, që nis më 15 qershor.

Mediumi italian raporton se Real Madridi pritet të zhvillojë një takim me përfaqësuesit e lojtarit këtë javë për të finalizuar transferimin.

Këtë sezon, 20-vjeçari ka realizuar 6 gola dhe 9 asistime në 34 ndeshje me Comon, ndërsa vlera e tij në treg ka arritur në 35 milionë euro.

Komento:

	Komenti