Dëmtohen shkronjat e UÇK-së në Çyçavicë
Janë dëmtuar shkronjat e Ushtrisë Çlirimtare të Kosovës në Çyçavicë.
Kështu ka njoftuar faqja e fshatit Sibofc të komunës së Obiliqit, ku sipas tyre, dëmtimet janë shkaktuar nga persona të panjohur, ndërsa përmasat e tyre janë të tilla që kërkohet ndërhyrje për sanimin e tyre.
Ata kanë bërë thirrje që rasti të trajtohet me seriozitet nga organet e rendit dhe të hetohen rrethanat e dëmtimit.
Lidhur me rastin, gazeta ka kontaktuar Policinë e Kosovës dhe është në pritje të përgjigjes zyrtare.
