Vritet në Beograd një figurë e botës së krimit, zbulohet e kaluara e tij në Zvicër

Një vrasje e lidhur me botën e krimit në Beograd ka rikthyer në vëmendje të kaluarën e bujshme të viktimës, Aleksandar Neshoviq, i cili sipas mediave ndërkombëtare kishte qenë i përfshirë më herët në aktivitete kriminale edhe në Zvicër.

Ngjarja ka ndodhur më 12 maj në një restorant luksoz në Beograd, ku Neshoviq u qëllua për vdekje gjatë një takimi që dyshohet se kishte për qëllim pajtimin mes grupeve rivale.

Në takim ishte i pranishëm edhe një zyrtar i lartë policor, ndërsa autoritetet serbe më vonë kanë arrestuar disa persona të lidhur me rastin, përfshirë edhe zyrtarë policorë dhe të dyshuarin kryesor për vrasjen.

Sipas raportimeve, Neshoviq kishte një histori kriminale në Zvicër, ku në vitin 2000 ishte arrestuar për trafik droge dhe më pas kishte arritur të arratisej nga paraburgimi gjatë një transferimi mjekësor, duke mbetur në arrati për vite të tëra.

Rasti ka nxitur debat të gjerë në Serbi për lidhjet e dyshuara mes botës së krimit dhe strukturave shtetërore.